Malpopulariĝo

Pro diversaj kialoj mi neglektis tiun ĉi blogon dum monatoj. Mi ekde nun denove provos afiŝi almenaŭ unu artikolon ĉiusemajne.

Kvankam mia antaŭa afiŝo aperis nur fine de oktobro 2006, iompostioma malpopulariĝo de la retejo observeblas jam dum tuta jaro:

Site Meter: vizitoj (flave) kaj paĝorigardoj (ruĝe) dum la lastaj 12 monatoj

Kelkaj kontribuaĵoj intertempe malaktualiĝis kaj restos interesaj nur el historia vidpunkto: Retlando ja estas rapide ŝanĝiĝanta mondero.

Espereble vi baldaŭ trovos freŝajn artikolojn pri babilejoj kaj aliaj aspektoj de la reta vivo.

Krome mi certe iom eksperimentos pri la aspekto de la blogo, ĉar Blogger intertempe aldonis kelkajn eblojn.